مطبخ اولاد الجزائر

[قبايلية]

السلام عليكمورحمة الله وبركاته
أهـــــلاً ومرحبـــاً بـــكـــم :


في مطبخنا المتواضع ..مطـبخ منتدى اولاد الجزائر
شفت المنتدى فيه روتين حبيت نشطكم شوية

موضوعنا هادا سيكشف عن الطاقات المدفونة في أعضاءنا و الابداع الدي يتميزون به
في مجال الطبخ والأكل
ونتعرف على أكلات لديدة وطرق مختلفة لتحظير أشهى الأطباق




لذلك أريد منكم


الحمـــاس والهمة العالية;


للــ مطبخ



اللعبة عامة



والدعـــوة عامـــة للاكل للطبخ:


والكل مدعو للمشاركة:

والكل ممكن يشترك فيهــــا


للصغار

و


الشبـاب

و

البنــات

و

الشيوخ

و


المشـــرفيــــــن

و

المراقـبيـــن

و

الـمـشـرف الـعـام



و



الموديرتاتور



و


يعني عامة لأقصى درجة



قوانين اللعبة كالتالي:



1) أن نختار عضو معين ونطلب منه الدخول للمطبخ وعمل أي طبخة تخطر بباله حتى لو كوب عصير


2) نمهله فرصة يومين فقط ابتدا من ترشيحه لإنهاء الطبخة.


3) شرط كتاابة المقادير ..
4-اذا اردتم ان نشكل فريقين للمنافسة ماكان مشكل
الهدف من اللعبة تعزيز الثقة في قدراتنا المطبخية

تفجير إبداعات الأعضاء المكبوتة
أكتشاف طباخين وطباخات جدد للمستقبل
واتمنى التفـــــــــــــــاعل

[قبايلية]

نديرو فريقين
وفي كل فريق يكون رئيس
مثلا الفريق يتراسه سيد النمور للرجال
وفريق تتراسه عائشة للبنات
واذا حبيتو الاختلاط ماكاش مشكل
المهم راني حابة نكتشف طباخين في بلادنا هههههههههههه

[fafa97]

ااا فكرة واااو حلوة اوكي اخترتك انت امينة ، ( لدي غموض بسيط : ممكن تشكيل فريقين من الان ؟؟)

[fafa97]

اوكي شرح جا في وقتو ، اوكي انا مع فريق خيتو عايشة للبنات فنسقط طبخ الرجاااال ههههه

[قبايلية]

اهلا بك انا ايضا مع عائشة طبعا
ننتظر حتى يتشكل الفريقين

[fafa97]

فريق البناآآت

1/- القائدة :القبطانة عائشة
2/- امينة (قبايلية )
3/- هند ( fafa97)
4/- ننتظر ....
5/- ننتظر ....
ننتظركم يا بنات ....

[قبايلية]

وينهم رجال المنتدى

[fafa97]

أمينة هربوو ههه خافو من طباخات المنتدى ههههه

[سيد نمور الجزائر]

لا كــــان كاين شبيبة يشاركـو, صحا و صلاح

و لااااااااا ماكانش شبيبـة يشــاركو نتابـع بصمت بركـ

[fafa97]

اااالالا قبطآآن شاركنا بليز قبطآآن نشوفو مهراتك في الطبخ

[قبايلية]

هههههههههه
انت لازم تكون عندك طرق للاقناع باه يشاركو معاك
مدلهم شوية باه تكون فريق
علابالي بلي تقدرلها
هههههههه

[fafa97]

ا مشفتيهش كيفاش يعرف ههه بصراحة شي حاجات انا منعرفهم في الطبخ ههههههه و الله اعلم

[قبايلية]

واش المطبخ نتاعنا نغلق مفتحناه

[ΐ ṧ Ṧ Ṝ ẵ]

السلام عليكم

موضوع شيق

نبداو مالة هيا الاخت قبايلية اتفضلي وكوني سيدة المطبخ مدة يومين طيبيلنا لعشاء ولغداء

نعطيولك لخيار ليك في اختيار الأكلات

اليكي المطبخ اختي المفتاح راه بين يديك اتفضلي

تحياتي لك وللكل نحتاجوا الماكلة في الوقت منسمحوش في الروتار هههههه ;);)

[Aicha]

أعتذر أمينة لم أرى الموضوع من قبل:p


فكرة رآئعة



أنآ مستعدة في أي وقت


و إن شآء الله نكونو في المستوى ;)

[قبايلية]

بما اني نحب هذا الطبق رايحة نطيبو في الغداء
سباغيطي بالدجاج

السلام عليكم ورحمة الله وبركاته.



اليكم كيفية تحضير السباغيطي بالدجاج على طريقتي


المقادير:

1 بصل 2 ثوم 1 الطوماطيش طايبة مليح
-زيت المائدة او3 ملاعق كبيرة منغرين
-ملح
-علبة للسباغيطي
-فلفل عكري (بابريكا)
-ملعقة صغيرة كمون
3 ملاعق كبيرة طماطم تاع البوايط
-اطراف دجاج
-و اذا امكن اي صوص محضرة لطبق السباغيطي
-شويا فلفل اكحل

بسم الله

نحطو قدرة ماء اكثر من النصف نضيف ملعقة ملح و حوالي نصف فنجان زيت على نار قوية حتى الماء يغلي بسرعة بعد الغليان نخفض النار الى المتوصط ثم نضع السباغيطي في الماء لمدة 10 دقائق ونحركه مرة على مرة كي لا يلسق بعد 10 دقائق نطفئ النار فلو كان غير واجد نوعاما بعد التذوق من طراوته نتركه في الماء حوالي دقيقتين ثم ننزع السباغيطي بتصفية الماء بالكسكاس ونحتفظ به جانبا

كيفية تحضير لاصوص

قطع البصل و الثوم والطوماطيش قطع صغيرة جدا بالسكين او الكرفاج نضعهم داخل كاسرونة نظف الدجاج و نصف فنجان زيت المائدة او3 ملاعق كبيرة منغرين للتحميس نصف ملعقة صغيرة فلفل اكحل ملعقة كبيرة فلفل عكري بابريكا و ملعقة صغيرة كمون و ملعقة صغيرة ملح

نضع الكل على نار متوصطة بعد تحريك ما في الكاسرونة لكي تختلط المقادير و لكي لا تلتسق في التحميس بعدما نرى ان الدجاج تغير لونه و اصبح عندنا صوص في الكاسرونة نضيف كاس ماء و3 ملاعق كبيرة طماطم تاع البوايط نحرك ونتركها 2 دقائق على نار خفيفة حتى ايطيب الدجاج ثم نضف كاس و نصف ماء و بعد حوالي5 دقائق و لما نرى ان لاصوص في الكاسرونة اصبحت ثقيلة يعني راهي واجدة نضيف حوالي نصف كاس لاصوص التي اشتريناها من من قبل (ان كانت عندكم اذا ماكاش ماعليهش) يمكنكم ان تتاكدوا ان الدجاج طاب بعد لمسه بالسكين نحرك لدقيقة نطفئ النار نضع الدجاج في صحن في الجانب و نضع السباغيطي الذي حضرناه من قبل في الكاسرونة تاع لاصوص و نحرك حتى يتغير لون السباغيطي بعد ان يختلط مع لاصوص

ملاحضة: يمكن تذوق لاصوص عندما تكون اطيب من اجل ان نعرف ان كمية الملوحة مناسبة
ان شاء الله مانستش والو و ان شاء الله تعجبكم وشهية طيبة للجميع

مع كوكا كولا ولا صلاد

[قبايلية]

وهذي وجبة العشاء خفيفة ليكم هههههههههههه

اولا المقادير:
بدون شروط مي لازملكم
1: دجاجة كبيرة منقية
2:لحم مرحي
3:شوية دهن*سمن ولا ******دة*
4: بطاطا مقلية


الطريقة:::::::::::::::::

ندهنو الجاجة بالدهان باه يكون لونها حمر كي تطيب ونزيدو نديرو لداخلها الفيونداشي ونخيطوها باه ما يخروجش منها كي تكون تطيب

نحطو البطاطا المقلية تحت دموع الدجاجة المكون من خليط من الاذواق لحم +دجاج و هو ما يعطي نكة خطيرة جدا للبطاطا المقلية

كي تشوفوها ولات حمرة ولا سمرة تقدرو تنحوها راهي طابت



تقدرو ضوك تهيو الشلايض و كاش زوج قرع حمود واحدة تشينة ولوخرا قارص
ولا لالا واحدة بيضا ولوخرا سيليكتو المهم خيرو انتوم ماشي شرط تاخذو برايي



ضوك بداو تاكلو بصحتكم




واش رايكم ماشي فور بزاف

[قبايلية]

وهذي كادو من مطبخنا من عندي لقهوة حليب يا اسراء
البغرير بالعسل و الزقوق
التعريف:هي من أشهى المأكولات القديمة و أرفعها و لا يسمع بها الكثير ....
الطريقة:
- الخطوة الأولى هي إعداد البغرير لي معلاباليش كيفاش يديروه...
- شراء الزقوق أو قطفه من شجره ....
- شراء العسل و يفضل أن يكون عسلا حراً ....

كيفية التناول:
عندما يعد البغرير جيداً (ظهور الثقوب على وجهه العلوي) و يوضع في صحن خاص به ....
نضع كذلك حبيبات الزقوق في صحن آخر و يكون متسع ....
بعدها نضع العسل الحر في حبة بغرير و ندهنها جيدا بالعسل ثم نمررها و نغمسها في صحن الزقوق و بذلك تلتصق حبيبات الزقوق في البغرير .....
قم بلف حبة البغرير و كلوا بالهناء و الشفاء و ....مع كاس قهوة حليب امممممممممممممم
بصحتكم

[قبايلية]

الدالة على مين على فريق الذكور

[بسمة دائمة]

حقيقة موضوع رائع

شكرا لك يا اخت قبائلية

ننتظر جديدك

دمت مبدعة كعادتك ..

[قبايلية]

حقيقة موضوع رائع

شكرا لك يا اخت قبائلية

ننتظر جديدك

دمت مبدعة كعادتك ..


يا ريت تشاركينا بكاش طبخة تحبيها

[بسمة دائمة]

ايه معليش يا حبيبتي بصح ممكن تفهميني اكثر يعني لو ماكانش ازعاج ...

[قبايلية]

انا كنت حابة نديرو فريقين
مي الله غالب فريق الذكور محبوش ينضمو للمطبخ
وليت في كل مرة واحد يديرنا طبخة من اعدادو الشخصي يعني ميكوبيهاش من النت
يكتبهانا كيفاش يطيبها هو ونفضل كل واحد يدير طبخة من مدينتو هكا باه نكتاشفو عاداتنا وتقاليدنا
هذا ماكان اختي

["ملكة القلوب"]

مرحبا فكرة رائعة

[قبايلية]

اهلا الملكة بك في مطبخ اولاد الجزائر
يا ريت تشاركينا ختي

[بسمة دائمة]

اه فهمت

بصح انا نعرف الحلويات اكثر من الموالح ههههههههه

[ΐ ṧ Ṧ Ṝ ẵ]

أهلا بكن بنات ان شاء الله راكم بخير



ايه صحيتي اختي امينة راكي تهليتي فينا الله يبارك شطورة

مشكورة عزيزتي على الوصفات هناك تشابه و اختلاف في طريقة التحضير بالنسبة لي وكيفية تحضيير السباقيتي

أنا بالنسبة لاصوص تخدمها بالطريقة هاذي

نحط ثوم بصل جزر ليس بكثير حتى يمتص حموضة الطماطم+طماطم حبات +ملح + فلفل اسود+

وريقات رند +زيت + دجاج

نقطعها قطع نمرق ونضعها طيب وكي نلقاها طابت نجي دجاج ورند على جيهة ونقوم برحي ما تبقى

avec pied de mixeur

ونعاود نرجع جاج ويمكن مكان جاج نحط لحم مرحي ونضيف ليها مغرف ولا 2 طماطم تاع باطة بش تمد لون أحمر

نخليها تستوي شوية ونتحصل على صوص خاثرة

مباعد سقي السباقيتي في صحن وضيف عليها من فوق الصوص قد متحب وكول ورابي فوقها فورماج

وشهية طيبة

هاذي هي طريقتي في التحضيير



وشكرا لكي اختي قبايلية جميل ان نتبادل الأفكار في طرق التحضيير

[ΐ ṧ Ṧ Ṝ ẵ]

والآن اخت بسمة دائمة أهلا بكي في مطبخ أولاد

تفضلي أختي والمفتاح بين يديك اليوم

ان شاء الله تتهلاي فينا بكاش مقبلات وحلويات


تحياتي لك

[قبايلية]

أهلا بكن بنات ان شاء الله راكم بخير



ايه صحيتي اختي امينة راكي تهليتي فينا الله يبارك شطورة

مشكورة عزيزتي على الوصفات هناك تشابه و اختلاف في طريقة التحضير بالنسبة لي وكيفية تحضيير السباقيتي

أنا بالنسبة لاصوص تخدمها بالطريقة هاذي

نحط ثوم بصل جزر ليس بكثير حتى يمتص حموضة الطماطم+طماطم حبات +ملح + فلفل اسود+

وريقات رند +زيت + دجاج

نقطعها قطع نمرق ونضعها طيب وكي نلقاها طابت نجي دجاج ورند على جيهة ونقوم برحي ما تبقى

avec pied de mixeur

ونعاود نرجع جاج ويمكن مكان جاج نحط لحم مرحي ونضيف ليها مغرف ولا 2 طماطم تاع باطة بش تمد لون أحمر

نخليها تستوي شوية ونتحصل على صوص خاثرة

مباعد سقي السباقيتي في صحن وضيف عليها من فوق الصوص قد متحب وكول ورابي فوقها فورماج

وشهية طيبة

هاذي هي طريقتي في التحضيير



وشكرا لكي اختي قبايلية جميل ان نتبادل الأفكار في طرق التحضيير

صحيت اسراء حتى طريقتك مليحة
ومع فروماج حاجة فور تولي
وننتظر بسمة دائمة في مطبخنا

[بسمة دائمة]

اسمحولي خليتكم تنتظرون بزاف بصح رايحة نعوضكم هههههههه

اولا نبدأبالمقبلات ~حقيقة انا نحب السلطات اذن رايحين تاكلوا على ذوقي biglaut=)à)ç_biglaut=)à)ç_biglaut=)à)ç_~

سلطة اكواب البطاطس حبيت نظيفلكم الصور ...


سلطة أكواب البطاطس

المقادير..
بطاطس مسلوق

الحشوة ..
جبن كريم / جبن موتزريلا
ملح وفلفل
هوت دوق مقطع مكعبات
جزر مقطع مكعبات ومسلوق
بازلا مسلوقه
مشروم مشوح على النار
زيتون شرايح
ذره

الحلو بالسلطة هذي تعتمد على الذوق والإبداع

أو محبة الشخص لأشياء معينهhttp://dc02.arabsh.com/i/00940/sqtdirzi49gh.png (http://banatzayed.com/?goto=http%3A%2F%2Farabsh.com%2F)

.الطريقة ..

نسلق البطاطس ونفرغه
ونزيد عليه الجبن الكريمي
وملح وفلفل ونرجع نرجعه للبطاطس مره ثانيه
نحط فوق البطاطس كل شي جهزناه
أو اي شي تحبونه ..
نرش عليه جبن الموتزريلا
وندخله الفرن دقايق يدفى
وتذوب الموتزريلا

http://dc06.arabsh.com/i/00937/8uydzjspglkj.png (http://banatzayed.com/?goto=http%3A%2F%2Farabsh.com%2F)

http://dc02.arabsh.com/i/00940/x0huex98v6e6.png (http://banatzayed.com/?goto=http%3A%2F%2Farabsh.com%2F)
http://dc02.arabsh.com/i/00940/x1yo6rj5blaa.png (http://banatzayed.com/?goto=http%3A%2F%2Farabsh.com%2F)
http://dc05.arabsh.com/i/00940/5jfmjxc85g2s.png (http://banatzayed.com/?goto=http%3A%2F%2Farabsh.com%2F)

[بسمة دائمة]

الطبق الرئيسي حبيت نقدملكم السمك ...

وصفة سمك بالخضار المشوية في الفرن والغنية في الفيتامينات والصحية جدا، صحتين وعافية

المقادير:

- كيلو سمك من غير عظم (النوع حسب الرغبة). – جزرة مفرومة. – 2 حبة بصل مفروم. – بقدونس وشبت و ك******رة. – حبة من الفلفل الأحمر البارد. – حبة من الفلفل الأخضر البارد. – حبة من الفلفل الأصفر البارد. – 2 حبة ليمون. – 3 ملعقة خل. – ثوم مفروم ناعماً. – بهارات مطحونة ناعماً (ك******رة ، فلفل ، كمون ، حب الهال ، قرفة وملح). – 2 معلقة زيت ذرة لدهن السمك. طريقة التحضير: – اغسلي السمك جيداً. – افرمي البقدونس والشبت والك******رة ناعماً ثم افرمي الفلفل إلى قطع صغيرة. – اخلطي البهارات مع الخضار المفرومة والليمون والخل. – احشي السمك ودعيه يتتبل بالبهارات لمدة 4 ساعات على الأقل. – ادهني صاج بالزيت وضعي عليه السمك وادهني السمك بالزيت. – ثم اشوي السمك في الفرن ودعيه حتى ينضج قدميه ساخناً


http://www.google.com/url?source=imgres&ct=img&q=http://www.arabgalaxy.com/upload/uploads/images/arabgalaxy-3de5f80ceb.jpg&sa=X&ei=lVr_TZCDLcis8gOD-bmpCQ&ved=0CAQQ8wc&usg=AFQjCNHaN6dYqrzi0nJAHPjdUM4SfSdz5A

[بسمة دائمة]

والأن أخر شي يلي نحنا الجزائريين مانقدموهش كحلويات أما كمشروبات غازية أو فواكه

و أنا حبيت نجيبلكم مروب طبيعي ...هو عصير الليمون و الزنجبيل ...

لمقادير:
- 3 ورقات نعناع أخضر.
- ملعقة صغيرة زنجبيل مبشور.
- 2 كيس شاي الوزه.
- 3 ونصف كوب ماء مغلي.
- كوبين ماء بارد.
- نصف كوب سكر.
- عصير 3 ليمون.
- عصير 3 برتقال.

طريقة التحضير:
1- اطحني النعناع وأضيفي إليه أكياس الشاي والزنجبيل وأضيفي الماء المغلي واتركيه 7دقائق .
2- نزيل الأكياس ونضيف السكر،نحرك حتى يذوب السكر.3- نضيف عصير الليمون والبرتقال، نمزجه جيداً ونقدمه بارداً.

http://www.kermalek.com/images/stories/95-gingertea.jpg

[بسمة دائمة]

حبيت نعطيكم هدية من عندي بش تتفكروني او ماتقولوش راهي بخيلة ههههههه

هاو ليكم من عندي قرطلة نتاع الفواكه على زوقكم

كولوا او ادعيولي بالخير هههههههه

http://www.google.com/url?source=imgres&ct=img&q=http://3.bp.blogspot.com/_WAX3pbPO2O0/TFct1wK6bpI/AAAAAAAABhU/rJK3Ppn-QEU/s1600/%25D9%2581%25D9%2588%25D8%25A7%25D9%2583%25D9%2587 .jpg&sa=X&ei=UVz_Tf-tIdG58gOYhoX6DQ&ved=0CAQQ8wc4BA&usg=AFQjCNFOAKxPjrvvBLWJVEvj-aX4bIOLoQ

[قبايلية]

يعطيك الصحة بسوم
انا نموت على حوت سورتو الروجي اممممممممم نسااييها
اوووووووو منسيتيناش حتى بتبناج اختتي
صحيت

[ΐ ṧ Ṧ Ṝ ẵ]

شكرا عزيزتي بسمة وصفات جميلة ان شاء الله نحاولو نديرو منها

لكن حبذ لو كانت وصفات من مطبخ جزائري خاص بمنزلكم ومدينتكم


تحياتي لك

والآن الدور لمن يطلب المفتاح ان شاء الله

[بسمة دائمة]

شكرا لكم

المهم عجبكم او ماخليتكمش جيعانين ...

[قبايلية]

الان الدور على اسراء

[asi k]

سلام
فكرة عجبتني بزاف
شكرا لكي اختي امينة

[ΐ ṧ Ṧ Ṝ ẵ]

السلام عليكن بنات الظاهر اليوم المفتاح ليا انتيك ان شاء الله نكونو في المستوى

اليوم راح أطبخلكم مرقة

escalope de dinde

المستلزمات :

اسكالوب تاع داند نقوم برحيه جيدا ثم نقوم باضافة بعض الملح فلفل اسود وحبات بيض

بحيث تكون بشكل عجينة ثم نقوم بعمل كويرات ونقوم بقليها في زيت ونضعها على جنب


نقوم الآن بتحضير المرقة

نأتي بحبات بصل مفرومين جيدا نضيف بعض الثوم+ملح+ فلفل اسود+******دة +قطع دجاج نقوم بقليهم جيدا

ثم نمرق ونترك حتى تستوي المرقة نضيف الآن كويرات الاسكالوب المقلية للمرقة ونتركها فوق النار لمدة قصيرة ونطفىء عليها

ومباعد نسقيوها وشوية معدنوس للتزيين


وشهية طيبة للجميع

[ΐ ṧ Ṧ Ṝ ẵ]

والآن وصفة أخرى

ماقارونة في الفرن

نجيبو كيلو ماقارون سباقيتي ولا زيباتش كيما تحبو

نغليوها في الماء + ملح حتى تستوي ونقطروها

في جيهة أخرى نقوم بوضع 1 ليتر من الحليب + ملح + فلفل اسود +******دة+ 8 حبات بيض+2 ملاعق نشاء

نقوم بخلطها بالخلاط جيدا ثم نقوم بوضع جبن رابي فيها


نقوم بدهن صينية خاصة بالفرن ونقوم بتسوية الماقارونة فيها ثم نسكب عليها ما قمنا به سابقا

ونضعها في الفرن حتى تستوي

ومباعد أجبد قص وكول


وشهية طيبة للجميع

[ΐ ṧ Ṧ Ṝ ẵ]

والآن اليكم وصفة اخرى


دويدة مفورة

نجيبوا بصل + ثوم + ملح + فلفل اسود + فلفل أحمر + زيت+ دجاج + لحم مرحي+حمص وبيض


نقوم بوضع مكونات الأساس لتستوي كما يجب ثم نمرق ونترك المرقة تستوي جيدا


في طنجرة نقوم بوضع 1 كيلو أو حسب الحاجة من دويدة نضع عليها زيت بش نزلقوها بيه كي لا تلتسق

ثم نضعها لتفور وسط الكسكاس عندما تفور نقوم بغسلها بالماء ثم نسكبها في وعاء مفتوح بش تشيح ونضيفولها ملح و******دة نزلقو بيها

ثم نزيدو نرجعوها تفور ونحوها ونحطولها ******دة من جديد ونتركها حتى تستوي المرقة نقوم بسكب نصيب عليها ونضعها فوق نار هادئة لتتجمر

ثم نقوم ونسقيوها في صحن ونزينوها بالحمص وكويرات اللحم وحبات بيض والدجاج

http://images.imagehotel.net/0297e1441c.jpg

ملاحظة يجب التعامل مع الدويدة برفق وحيلة حتى متلبخش


وشهية طيبة للجميع

[قبايلية]

اووووووووووووووو شكرا اسراء راكي كلاطيتي ختي في طياب ربي يحفظك
رايحة نجرب ونردلك بلخبر

[ΐ ṧ Ṧ Ṝ ẵ]

أهلا امينة الله يسلمك ختي ايه جربي ورديلي خبر

حطي برك بالبال وطيبي من قلبك والله يجيك ساهل

ديري قلب برك ونبهي

موفقة ان شاء الله

[قبايلية]

لازم هذا الصيف نتعلم ندير كلش
راني نتعلم باسكو كنتي نعرف غير ندير لفريت
انتي لي درتيلي القلب شفيتي

[سيد نمور الجزائر]

راني نتعلم باسكو كنتي نعرف غير ندير لفريت



هههههههههههههههههه, مالا وش الفرق بينكـ و بين الراجل اللي ما يعرفش يطيب

الله يوفقكـ

[قبايلية]

هههههههههههههههههه, مالا وش الفرق بينكـ و بين الراجل اللي ما يعرفش يطيب

الله يوفقكـ


هههههههههه راك تضحك
ذكا راني نتعلم شوية

[قبايلية]

رجليلة بالبيض في خاطركم كامل

رجيلة بالبيض

المقادير:
ربطة رجيلة منقية ومغسولة ومقطعة قطعا صغيرة
4حبات بيض
4 سنات ثوم مهروس
ملعقتان زيت زيتون
ملح
فلفل أسود

التحضير:
توضع الرجيلة في طنجرة مع الثوم والملح والفلفل الاسود والزيت وتغطى وتترك على نار هادئة حتى تطلق ماءها كله ويتبخر
لم تجف تقريبا يضاف إليها البيض المخفوق وتستمر الطهي لدقائق حتى يستوي البيض

هههههههههههههه سهلة وبصحتكم
الصور
http://i41.servimg.com/u/f41/11/21/19/15/klmj10.jpg
لي حب حارة يزيدلها حار
ومع خبز اقوران نتاع قبايل تولي حاجة اخرى

[قبايلية]

الدور عليك خويا لخضر
راهو ليك المطبخ طيبنا كاش حاجة من تقاليدكم
وعندك الوقت باه تسقسي ههه واذا متعرفش

[قبايلية]

وهذي ذكا مع سخانة مليحة خفيفة وضريفة

كخا
اب مالح
المقادير
4بيضات
3 ملاعق زيت قرصه ملح
نصف كيس خميرة الحلوي
نصف لتر حليب مقدار من الفرينه
الحشو
قطعه دجاج مقطعه الي مكعبات صغيره
حبتان بطاطا مقطعه قطع صعيره
فطر
توابل
ملعقه موطارد
صلصة البيشاميل
التحضير
التحضير
في وعاء نخفق البيض مع السكر والزيت ثم نضيف الملح ونخفق جيدا ثم ثم نضيف الحليب والفرينه تدريجيا ونخلط حتي تذوب حبيبات الفرينه
يجب ان يكون الخليط سائلا
بعد ذلك نسخن مقلات غير لاصقه وبواسطة المغرفه نسكب الخليط في المقلاة وما ان نري حواف الكريب تحمر حتي نقلبها بسرعه
ونكمل مع باقي العجين هكذا
الحشو
في طنجرة نضع الزيت ثم قطع الدجاج ونقليها ثم نضيف عليها البطاطا ونقليها مع ملعقة الموطارد والتوابل والملح نضيف الفطر ونقلي جيدا بعد ذلك نفرغ عليها صلصة البيشاميل ونتركها تخثر
نحشي حبات الكريب بالحشو ونلف مثلما نفعل مع البوراك
نرتب الكريب في صينيه ونسكب عليها البيشاميل والڤرييار ونزينها بالزيتون
نتركها في الفرن بضعة دقائق ثم نخرجها
وهذا شكلها
http://lakhdaria.net/imagebank/images/photo0917.jpg
وهذي بعد التزين اممممممممممممممم كولو معا امينة
http://lakhdaria.net/imagebank/images/photo0920.jpg
تمتعو
http://lakhdaria.net/imagebank/images/photo0922.jpg

المشروبات عليكم

[قبايلية]

اها نسيت لخميرة في لعجينة عنداكو تنساوها

[ΐ ṧ Ṧ Ṝ ẵ]

اهلا اختي امينة ايه بون شانس حنونة موفقة ان شاء الله

والله الطبخ فن وشيء جميل الانسان يتعلم ويترك نهار يحصل يفك حالوو


وصفات جميلة ثانية فهمتها بصح الأولى وش هي هادي رجليلة مفهمتهاش وش معنتها ؟؟

ممكن توضحيلي وش هي الرجليلة

تحياتي لك

[قبايلية]

الرجلية بالعربية معلاباليش واش تقولولها ههه
مي هي تشبه السلق او السبانخ

اليك صورة
http://i71.servimg.com/u/f71/11/21/19/15/photo_45.jpg
هذي هي اسراء
وشكرا على الاهتمام

[قبايلية]

اخي لخضر اين انت
كنت تضحك ايا ورينا كيفاش طيب
رانا نستناو فيك
مجوعناش يا خويا غاول شوية

[ΐ ṧ Ṧ Ṝ ẵ]

شكرا اختي امينة

لكن أرى ركود اين الجميع ما من متطوع بالله عليهم ماهاذا السبااااات

[قبايلية]

راك تشوفي ماكاش لي حاب يطيبنا

[Aicha]

لقد أحضرت لكم كيفية تقليدية


تدعى "آفطير أوكسول"



المقآدير لثمآنية أشخآص...


1- 1 كلوغرآم سميد


2- 1 لتر مآء + ملح

3- نصف كوب من الزيت



و للمرق...


1- خضر ( الطمآطم. الجزر. الكوسا... حسب الذوق)

2- 500 غ عدس

3-لحم...

4- بصل و ثوم

5- الطمآطم المصبر ملح و توآبل




طريقة التحضير...


نبدأ بتحضير العجينة و ذلك بخلط كل المكونآت

و عجنهآ حتى تصبح نآعمة و مطآطية

و ذلك بإضآفة قليل من المآء من وقت لآخر

(أثنآء العجن)


و نتركهآ ترتآح بعدمآ نقطعهآ إلى كريآت بحجم اليد



أثنآء ذلك نقوم بتحضير المرق:


نقوم أولا بغلي العدس لمدة عشر دقآئق

ثم نصفيه و نضعه جآنبا


و في قِدر منآسب ضعي اللحم البصل المرحي و الثوم


و أضيفي الخضر بعد تقطيعهآ مربعآت صغيرة


و كذلك الطمآطم المصبر و التوآبل


ثم غطي الكل بقليل من المآء


أتركيهآ تغلي لمدة 10 دقآئق

ثم أضيفي المزيد من المآء و كذلك العدس



و أتركيهآ تطهو لمدة نصف سآعة



و الآن نعود للعجينة التي تركنآهآ ترتآح


نأخذ الكريآت وآحدة تلوى الأخرى


و على لوحة مدهنة بالزيت

نصنع منهآ مستطيلآت تقريبا بطول 25سم

و عرض 15 سم


ثم نأخذ السكين و نقطع المستطيلآت على شكل أشرطة


و ندخلهآ يحذر إلى المرق

ثم نتركهآ تنظج لمدة عشر دقآئق



و شهية طيبة :p











أعتذر لعدم وجود الصور^^

[بسمة دائمة]

شكرا ليك يا اختي العزيزة

وصفة رائعة

ايه دك لمن المفتاح

لمكانش انا راني رايح

ندي المفتاح اليوم واش قلتوا يا بنات

ههههههههههههه

[قبايلية]

ثاميرث اتملحانتيو
اشكرك اخت عائشة على مشاركتنا المطبخ
ننتظر جديدك

[ΐ ṧ Ṧ Ṝ ẵ]

أهلا يا بنات مشكورين على الوصفات


اليك المفتاح اخت بسمة دائمة

ننتظر جديدك

تحياتي لكن

[قبايلية]

سمكة في الفرن بالالومنيوم

لسلام عليكم ورحمة الله وبركاته

سمكة في الفرن بالألومنيوم
http://img0.liveinternet.ru/images/attach/b/3/22/397/22397669_mura_488.jpg
سمكة
http://img1.liveinternet.ru/images/attach/b/3/22/249/22249771_mura_380.jpg
بقدونس +إكليل الجبل+ثوم+بصل +ثوم+عصير ليمون+زيت زيتون+فلفل اسود+كمون
او قطع من ال******دة او المرغرين بدل زيت الزيتون
http://img1.liveinternet.ru/images/attach/b/3/22/397/22397223_mura_479.jpg
http://img1.liveinternet.ru/images/attach/b/3/22/397/22397422_mura_481.jpg
بعد إعداد السمك وتتبيله على ورقة الومنيوم تغلف السمكة بإحكام وتدخل الفرن
http://img0.liveinternet.ru/images/attach/b/3/22/397/22397593_mura_483.jpg
بعد حوالي ساعة حسب حجم السمكة
http://img0.liveinternet.ru/images/attach/b/3/22/397/22397669_mura_488.jpg
استمتعو بالاكلة ذات الروائح الزكية
بالصحة والهناء

[قبايلية]

وينكم يا بنات المنتدى
هل فقدتم موهبة الطبخ

[mery97]

انا اليوم جبتلكم كيفاه ديروا عصير الفرولة
اولا اشروا لافراز من المارشي ( بالاكو يديرلكم اللي مشي مليحة )
امبعدا اوغسلوها مليح و نحولها هداك الحشيش لخضر اللي فيها
امبعدا جيبوا ميكسور اللي يميكسي مليح او ديروها لداخلو امبعدا زيدولها شوية حليب طايب او ما تنساوش السكر بيان سير . ميكسيوهم مليح امبعدا فرغوا العصير في طاس شباب او ديروه يبرد كي يجي باباكم عيان من الخدمة اعطوهولو بارد و ردولي بالخبر . او ما تنساوش بالطبع تذوقوا انتوما قيسما عييتوا .::yamaym::

[قبايلية]

مع رمضان لازم تعاودي تنشطو مطبخنا
لازملي من كل منطقة طبخة باه نجربهم كامل في رمضان
مي مع ولايات الوطن رايحة تخرجنا فايضة
مي معليش زوج وجبات في نهار تخرج بنقصان شوي معليش
راني نستنا

[ΐ ṧ Ṧ Ṝ ẵ]

ok nchaleh

[بسمة دائمة]

صح أمونة لازم نرجعوا نشاطنا في رمضان

ههههههههههههههه

ولي مايجيبلناش الفطور نزعكوه

ههههههههههههههه

[قبايلية]

فطور ،سهرة و سحور

السلام عليكم ورحمة الله وبركاته

فطور، سهرة وسحور

يتفضل الجميع باقتراحاتهم لأفضل لائحة فيها

وجبة إفطار
http://younestop.allmyblog.com/images/younestop/younestop_20060925_151930.jpg

حلويات وتحليات للسهرة


وجبة سحور
http://i41.servimg.com/u/f41/11/21/19/15/1mesfo10.jpg

ننتظر الجميع

[قبايلية]

طريقة ظريفة لت************ الدجاج او شويه اي دجاجة على الطريقة القبائلية مزيج من الاعشاب امممم
اقسمي ظهر الجاجة على كل طوله واجلبي الجانين إلى الامام
تبليه جيدا بالملح والفلفل الاسود والخردل وزيت الزيتون والفلفل دريس على الوجهين وضعيه على صحن وادخليه الفرن الحار نصف ساعة إلى 45 دقيقة
http://www.lakhdaria.net/vb/attachment.php?attachmentid=1520&d=1310113580
بصل وثوم وبقدونس وزيت زيتون او مرغرين مفرومة
http://www.lakhdaria.net/vb/attachment.php?attachmentid=1521&d=1310113612

ضعيها على الدجاج بعد نصف التسوية واعيده للفرن بقية المدة

http://www.lakhdaria.net/vb/attachment.php?attachmentid=1522&d=1310113654
وبصحتكم
http://www.lakhdaria.net/vb/attachment.php?attachmentid=1519&d=1310113529

[قبايلية]

لاتارت على طريقتي بالموز اممممممممممممم لسهرة رمضان غدا
المكونات والمقادبر:

250غ طحين
150 غ سكر
125غ ******دة او مرغرين
كيس خميرة الكعك
كيس سكر بالفانيبيا
بيضة
نصف كوب كريمة او حليب
4 موزات
التحضير والإعداد:
نخلط الفرينة مع رشة ملح وال******دة
نخفق البيض مع السكر ونضيفه إلى الفرينة
نضيف الكريمة او الحليب مع الخميرة والسكر بالفانيليا إلى الفرينة
ونترك العجينة ترتاح مغطاة
نقطع الموزات بطول
في قالب الفرن نخلط ملعقة ******دة مع 3 ملاعق سكر
نرص فوقها الموز وقطع التفاح والعنب
نفرد العجينة على مقاس طبق الفرن ونغطيه بها
بعد حوالي 25 إلى 30 دقيقة في حرارة متوسطة
نخرج الطبق من الفرن ونتركه دقيقتين ثم نقلبه على صحن التقديم
بالصحة والهناء
اي اسفسار راني هنا متحشموش
المهم حلو رمضاكم بلاتارت نتاع الموز

[HeArt WhiSper]

بعض اكلات الجزائرية بالصور
http://forum.sedty.com/images/smilies/rose.gifبعض اكلات الجزائرية - بعض اكلات الجزائريةhttp://forum.sedty.com/images/smilies/rose.gif


البوراك الجزائري :


http://www.hayah.cc/forum/imgcache/11752.png


المقادير

6 ورقات بوراك و هي عبارة عن فطائر جد رقيقة
2 بيضات
2 حبات بصل
نصف رطل لحم مفروم
6 حبات جبن
بقدونس
ملح
زيت للقلي


طريقة التحضير


نقشر البصل الى قطع صغيرة و
نضعه في المقلات مع قليل من زيت ونتركه حتى يحمر قليلا ثم نضع اللحم المفروم على بصل و نتركه ينضج وفي اخير نضع البقدونس المفروم+ حبات جبن ونخلط الجميع

بعد ما ننزع المقلاة من النار



و بعد ذلك نفتح ورقة بوراك و نضع في داخلها تقريبا ملعقة ونصف من خليط ثم نطويها على شكل مستطيل مغلوق من الجهات الاربع
و نضعها في المقلاة و الزيت الساخن و بعد اخذها لون الذهبي نخرجها و شهية طيبة

------------------
الشوربة الجزائرية


http://www.hayah.cc/forum/imgcache/11753.png


المقادير

نصف رطل لحم قطع صغيرة.


بصلة مفرومة.


رطل طماطم , حبات حمراء كاملة.


فنجان طماطم مصبرة.


حبتان من كل نوع (بطاطا و لفت و جزر و قرعة)مقشرة ومقسومة إلى جزئين.


نعناع وقصبر.


نصف فنجان زيت , ملح , فلفل , قرفة .


لتر ونصف ماء.


شوربة=شعيرية
او
فريك قمح



التحضير :


نأخذ قدرا نضع فيه كل من : البصل واللحم والزيت والملح و الخضار والبهارات والطماطم المصبرة ونصف كمية الحشائش مقطعة , ونضع الكل فوق النار لمدة 10 دقائق مع التحريك ثم نظيف الماء ونغلق القدر , ونترك الخضار لتستوي .


بعد ساعة إلا ربع نفتح القدر ونتأكد من استواء الاثنين اللحم والخضار , فنختار كل الخضار ونضعها في المطحنة ونقوم بسحقها , ثم نظيف المسحوق على المرقة ونتركها لمدة5 دقائق إلى أن يحدث الغليان ثم نظيف لها الشوربة أو نظيف لها كأس مسحوق شعير ثم نترك الكل فوق النار حتى يستوي لمدة 10دقائق تقريبا و في الأخير نضع عليها بقية النعناع والقصبر .
وأخيرا نضع شوربتنا في الصحون , وبجانبها قطع الليمون..


الاطباق الجزائية التقليدية والخاصة التي تزيد مائدة رمضان جمالا فهي كثيرة ومتعددة و من بينها


الحريرة الجزائرية


http://www.7rkt.at/uploader/uploads/93712ad620.jpg


الحريرة الجزائرية لا تختلف كثيرا عن الحريرة المغربية و هي تعد من الاطباق الرئيسية في رمضان


المقادير


250 غرام حمص
250 غرام لحم خروف
بصلتان كبيرتان
3 حبات طماطم
نصف ملعقة صغيرة زعفران
ملعقة صغيرة فلفل أسود
2 ملعقة ******دة
2 ملعقة كبيرة ملح
لتر ونصف (6 كوب) ماء
علبة طماطم
6 ملاعق كبيرة طحين
3 ملاعق كبيرة رز
2 ملعقة كبيرة ق******ر (ك******رة خضراء)
2 ملعقة كبيرة معدونس (بقدونس)
ملعقة كرافس


الطريقة


ينقع الحمص في الماء مدة ساعتين، يمكن نزع القشور أو تركه على حالته. .1يقطع اللحم إلى قطع صغيرة. .2في القدر يوضع الحمص وقطع اللحم ويطحن البصل والطماطم ويوضع الملح والفلفل الأسود والزعفران وال******دة مع لتر ونصف من الماء ويطهى الكل مدة 40 دقيقة. .3في نصف لتر من الماء يخلط الطحين وعلبة الطماطم ويضاف إلى القدر مع التحريك. .4بعد ذلك يضاف الأرز والق******ر المفروم والمعدنوس المفروم والكرافس المفروم ويستمر الطهي مع التحريك لمدة 5 دقائق وتقدم ساخنة.







طاجين الزيتون



http://www.hayah.cc/forum/imgcache/11754.png


المقادير

أولا نحتاج لزيتون أخضر بدون نواة .. الأفضل تبليله في الماء يومين مع تغيير الماء مرتين في اليوم عوض غليه لازالة زيادة الملوحة و الحموضة

الطريقة :

نضع قطع الدجاج أو لحم + بصل مفروم + ملح + فلفل اسود + سمن أو ******دة قدر حبة جوز كبيرة (حسب كمية الدجاج)


نضع ما سبق في طاجين و نتركه يتقلى على النار حوالي 10 دقائق ، بعد ذلك نضيف الماء بقدر ما نغطي اللحم أو الدجاج

بعد أن يصير اللحم أو الدجاج مستوي نضع حبات الزيتون و جزر مقطع دوائر

لما يصير الزيتون و الجزر مستوي نأخذ قدر 3 ملاعق كبيرة تقريبا من الصلصة في كأس و نضيف لها ملعقة صغيرة طحين (مليئة جيدا) + ملعقة صغيرة عصير الليمون.. نخلط جيدا و نضيف الخليط بسرعة إلى الطاجين و هو سخن بحيث نمسك الطاجين باليدين و نحركه حتى تصير الصلصة ثخينة قليلا.

واخيرا نضع عليه بقدونس مفروم




بسطيلة الجزائرية
المقادير:
- 6أوراق ديول أو غلاش
- 2 فخد دجاج
- بصلة مفرومة
- ملح وفلفل اسود
- القليل ******دة مذوبة
- ك******رة و بقدونس
- جبنة ( مش لازم تحطها )

التحضير :


http://www.hayah.cc/forum/imgcache/11755.png

نطبخ الدجاج البصل وقليل من ال******دة نضيف له ملح والفلفل الاسود
بعد ذلك نقطع الدجاج قطع صغيرة ونخلطه مع البيض المسلوق والمفروم

http://www.hayah.cc/forum/imgcache/11756.png


ندهن صينية الفرن ونضع عليها أوراق الديول


نضع الحشو على الورق


http://www.hayah.cc/forum/imgcache/11757.png


هذا شكلها عند اخراجها من الفرن
http://www.hayah.cc/forum/imgcache/11758.png
http://www.hayah.cc/forum/imgcache/11759.png


هذه الأكلة رئيسية للمناسبات مثل رأس السنة الهجرية

http://www.hayah.cc/forum/imgcache/11761.png



المقدير: كمية من الرشتة حسب عدد أفراد الأسرة , لعلم الأخوات أن الرشتة الجزائرية تطبخ مثل الكسكسي و تسقى بالمرق ,ذكرت ذلك لتعرف كل أخت مقدار ما ستحضر من الرشتة
ملاحظة اللي ما عندهم الرشتة تباع فيمكنني إعطاء المقادير و الطريقة لتحضيرها
و اللي ما تعرف تطبخها كذلك ما عليها إلا أن تطلب ذلك و سأشرحه لها بكل سرور
المهم نفترض أنها مطبوخة و تنتظر المرق للتقديم و هاهي طريقة تحضيرها
المقادير :قطع دجاج حسب الأفراد 1 بصلة متوسطة , حبات جزر مقطع طوليا حوالي 5 سم, حبات لفت حسب الرغبة مقطع كذلك مثل الجزر, حبات قرعة (كوسة بالسورية) مقطع بنفس الطريقة و كميتها تكون أكثر من الجزر و اللفت , حمص, توابل , ملح و زيت, القليل من عصير الليمون
التحضير : تدبل أطراف الدجاج في القليل من عصير الليمون و الملح و يترك 10 دقائق ثم تغسل جيدا و ذلك لإعطاء نكهة للدجاج و كذا لغسله, يوضع في طنجرة + بصل مقطع رقيق+ زيت+توابل و يوضع فوق النار حتى يذبل البصل مع التحريك يضاف عليه الماء , الحمص و الخضر المقطعة و يترك لينضج , يمكن إظافة الطماطم لتكون المرقة حمراء كما يمكن تركها بيضاء و هو الأصل .
توضع الرشتة المطبوخة في أطباق التقديم و تسقى بالمرق و أطراف الدجاج و ألف صحة.



زلابية جزائرية


http://www.7rkt.at/uploader/uploads/31fac97c78.jpg


المقادير


1 كوب طحين
1 كوب نشاء
1 و ربع كوب ماء
1 ملعقة كوب خميرة
و زيت للقلي
و طبعا شيرة غليظة ((ما يعادل 3 كوب سكر و 1 كوب ماء..و الا ستلين الزلابية ))
و نضيف ماء ورد و زعفران و هيل مطحون للشيرة


الطريقة


نخلط كل المواد ما عدا الشيرة طبعا
و نتركها لترتاح و تاخذ الخميرة مفعولها حوالي ساعة..مع التحريك المستمر كل ربع ساعة تقريبا لاخماد الخليط و كي لا يكون داخله فقاعات .

بعدها نصب الخليط ((او جزء منه)) في كيس حلواني
((الافضل استخدام علبة كتشب او مايونيز فارغة ذات رأس مدبب ..بعد غسلها جيدا طبعا))
و نصب من الخليط في زيت حار غزير ..على شكل زلابية

ما ان نخرج كل قطعة من الزيت نضعها مباشرة في الشيرة
و الافضل ترتيب الاواني كما هو في الصورة
بعدها نخرجها من الشيرة..و نرص القطع في صحن التقديم



قلب اللوز بالطريقة الجزائرية



http://www.7rkt.at/uploader/uploads/7d96d368ca.jpg



و هو طبق من بين الاطباق الشهية التي تقدم في مائدة الافطار الجزائري


المقادير


لكيلو من السميد الخشن
كيلو سكر
300 غ ال******دة
ماء زهر
2 ليمون كمية من اللوز مطحون ولكن مش رفيع كثيرللحشو
حبات من اللوز للتزيين و يمكن تعويض اللوز بالكاوكاو أو الفول السوداني


الطريقة


نبدأ بوضع السميد في إناء كبير
نضيفله نصف كمية السكر
+ السمن و نحكه باليد جيدا حتى يتداخل ال******دة مع السميد
نبدأ برش ماء الزهر على الخليط و لكن من دون اغراقه أو عجنه لأن المراد أنه لما نضعه في المول يتثبت عليه من دون أي يكون عجينة,
تقسم الكمية لنصفين و تاخذي مول الفرن دائري أو مستطيل , تحطي عليه نصف الكمية و بسمك 7ملم أو أقل يوزع فوقه اللوز المطحون و اللى يكون مبلل قليلا في ماء الزهر و يعاد وضع النصف المتبقي من خليط السميد , يسوى السطح جيدا باليد و يقطع بالسكين لمستطيلات و يزين كل مستطيل بحبة لوز و يدخل إلى الفرن لينضج من تحت و لما تحمر الجوانب طفي الفرن من تحت و اشعلي من فوق حتى يحمر ,من جهة أخرى يتم تحضير الشربات بالسكر المتبقى بحيث يكون المكيال كالتالي: لكأس من السكر يوضع 4 كؤوس من الماء و نضيف شرائح من الليمون و يترك فوق النار ليغلي بحيث يذوب السكر و تنقس الكمية إلى 3كؤوس
يعني مالازم تكون الشربات سميكة, و بالتحديد يترك 15 دقيقة من بدأ الغليان و يترك ليبرد
و لما تخرجي الحلوى من الفرن ضعي 2 ملاعق من ماء الزهر فوق الشربات الفاترة و ضعيها على قلب اللوز الساخن لحتى يتشربها و اتركيه يتشربها و قدميه قطع في صحن التقديم مع الشاي


كذلك من بين الاطباق الرمضانية المفضلة عند الجزائريين و هي


اللحم الحلو


http://www.7rkt.at/uploader/uploads/2c37fbfc80.jpg


المقادير


كلغ لحم خروف
100 غرام *********ب (عنب مجفف)
600 غرام عين(برقوقة)
او
200 غرام مشمش (مجفف)
100 غرام تفاح
500 غرام سكر (أفضل أن يكون قطعا)
ملعقة كبيرة من سمن
ملعقة قرفة
كأس صغير من ماء الزهر


الطريقة


إقطع اللحم وضع القطع في إناء وغطها بالماء و أضف القرفة و السمن و بضع قطع من السكر إطهي على نار ضعيفة مدة 30 دقيقة تقريبا ،مع إضافة قطع سكر من حين لاخرمن جهة أخرى أنفخ العين باالبخارمدة 10 دقائق ،أو أضعها في الماء بارد مدة 30 دقيقة مسبقا،في منتصف الطهي أضف العين و التفاح بعد تقشيره و تنقيته ،و قطعه إلي اثنين أو أربع قطع إذا كان التفاح خشنا إستمر في الطهي مدة 20 دقيقة على نار ضعيفة
حتى يصبح المرق كثيفا، أنثر ماء الزهر و غلي الكل مرتين أو ثلاثة و قدم الأكلة ساخنة.
ملاحظة: يمكن تعويض التفاح باالإجاص
و صحتين على قلبكم


السفرية


http://www.7rkt.at/uploader/uploads/cf66bae0c5.jpg


المقادير


دجاجة مقطعة الى قطع كاملة او كيلو لحم خروف مقطع الى قطع متوسطة
2 حبات بصل
كاس حمص منقوع في الماء ليلة كاملة
ملعقة كبيرة سمن او زيت
1/4 ملعقة شاي من الفلفل الاسود
1/4 ملعقة شاي من القرفة المطحونة او عود قرفة
حزمة بقدونس

الكبيبات :

1 كلغ من البطاطا المغلية في ماء مملح
ملح ، فلفل اسود
حزمة بقدونس مفرومة ناعما
حبة بصل مفرومة ناعما
قليل من القرفة
2 حبات بيض

للتزيين :

بيض
دقيق
مسحوق الخبز المحمر chapelure


الطريقة


اولا نحضر المرق :

في طنجرة حطي اللحم او الدجاج و فوقه البصل المهشم و السمنة او الزيت ، الفلفل الاسود ، القرفة و نمزج الكل جيدا و نتركه يتجانس مع بعضو على نار هادئة

بعد 10 دقائق من الغليان نضيف على المزيج مقدار ما نغطي به كل محتويات الطنجرة ، ثم نضيف الحمص المنقوع بعد تصفيته من الماء و نغطي الطنجرة و نترك المرق يطهو بنار هادئة

تحضير الكبيبات:

بواسطة آلة خاصة نرحي البطاطا (نهرسها ) و تكون مثل البوريه ، نضيف عليها البصل المفروم و البقدونس المفروم و الجبن و الفلفل الاسود و القرفة و الملح ، ثم نضيف البيض حتى نحصل على عجينة متماسكة نتركها قليلا حتى نحضر حمام زيتي

نضع مقلاة فوق النار بها كمية كافية من الزيت للقلي

نحضر طبق فيه دقيق و آخر فيه بيض مخفوق

من عجينة البطاطا نصنع كويرات بحجم حبة البيض و نفردها شوي فقط حتى نحصل على اقراص

نغمس الاقراص في الدقيق ثم البيض المخفوق و نكمل بالمسحوق الخبز المحمص
نضع الاقراص في الزيت الساخن و نتركها حتى تحمر من الجانبين

نضع في صحن التقديم اقراص البطاطا و نغمرها بالمرق و نزين بالحمص و قطع الدجاج او اللحم

نزين سطح الطبق بالبقدونس المفروم ناعما و الف صحة و هناء على قلوبكم http://forum.sedty.com/images/smilies/rose.gifhttp://forum.sedty.com/images/smilies/rose.gif

[قبايلية]

شكرا على الاطباق راكي نوعتنا
راني حابة نعرف كيفاش تديرو شخشوخة

[sãĎ śõül]

OkèY wànnààà kààmll nsitOnii 7rààm 3likOm .. hèyyyà ànààà الرئـــــــــــــــــــــــــــــيس

[ΡŘΐиčəšŚ]

اييييييييييييييييييييييييييي موضوع رائع خلاص
اني جيت باه نشارككم

[ΡŘΐиčəšŚ]

ايا قبايلة "امونة" راهي طلبت الشخشوخة
خلي كي نعود قاعدة راني نحطهالك

[ΡŘΐиčəšŚ]

طبقي تاع اليوم هو la puré
اي بطاطا مهروسة

المقادير:
كيلو بطاطا
صدر دجاج او كوطليط
شوية ملح و فلفل اسود
حليب
الطريقة:
كاين طريقتان باه نهرسو البطاطا
اولا نقشروها و نقطعوها مربعات و نحطوها في الكوكوطة مع الماء ونخليوها حتى تختار مبعد نجيبو الميكسور و نخلطوها بيه
او: نخليوها حبات هكاك و نحطوها في الكوكوطة في الماء مي ما نقشروهاش حتى تحسو بلي راهي طابت تنحيوها و تقشروها و تحطوها في الصحن و تمعسوها بالفرشيطة حتى تكون مهروسة جيدا
انا نحب تاع الطريقة الاولى خير
نحطو االصدر تاع الجاج يتحمر في الفرن و اذا كان كوطليط راكم تقليوه
باه تديرو الجاج في الفرن حطو سنة ثوم كبيرة و قليل من الملح و الفلفل اسود و قليل من الماء و نضع صدر الدجاج في الصينية و ندخلها الفرن كيما تطيب نخرجوها نزيدولها شوية تاع ماء باه نديرو لاصوص
المهم نعاودو نغسلو الكوكوط و نحطو فيها البطاطا المهروسة و نضيفولها كاس حليب متوسط و رشة ملح و فلف اسود و نضعها على نار هادئة و نتركها تسخن نخلطها بالتاكيد ثم نقدمها في صحن التقديم و نضع فوقها لاصوص تاع الدجاج و الجاج

هاذي راهي من تقديمي
و بصحتكم

[ΡŘΐиčəšŚ]

مممممممممممممممممممممم تفكرت اكلة قسنطينية احبها كثيرا
و هي : الرفيس


4 كيسان دقيق و 1 كاس زيت مخلط بالسمن احكيمهم و حكيهم مليح في يديك
و احكمي الماء في شوية ماء زهر و احكيمي بخيه فوق الدقيق و هداك الزيت و السمن و ديري بصوابعك حتا يحكم روحو شوية و حطي العجين في سينية و بسطيه مليح و قصيه مربعات بالموس و حطيه في الفرن حتى يحمار مليح من تحت و من فوق هزيه و هرسيه و اذا عندك الرحاية ارحيه بيها و ك ترحيه احكمي الحليب و يبخيه و افتليه حتاى يعود الرفيس طري في يدك و حليه و خليه يشحيح و كيما يشيح زيديلو شوية حليب و ماء الزهر و مبعد فوريه فالكسكاس كي يفور زيدي حليه و زيديلو شوية حليب ماشي بزاف مايشي كيما مالمرة الاولى و زيدي فوريه الثانية بصح قبل ما تخدميه وجديلو لعسل و ال******دة كاس عسل و كاس ******دة حطيهم فوق النار يدوبو لازم عسيلة خفيفة زيدي فوريه مرة اخرى و حطيه في القصعة هكاك سخون حطيلو شوية جوز مرحي ماشي بزاف ليه شوية مداير
و حطيلو لعسل و ال******دة المدوبين و طمنيه و حطيه في الصحن و زينيه بالجوز و السكر المرحي و كولوه باللبن
و بالصحة

[ثاقبايليث]

فكرة رائعة جدا
راني نستنى في دالتي عندكم تنساوني

[aguero_villa]

http://www.bilal4success.net/wp-content/uploads/%D8%B4%D9%83%D8%B1%D8%A7-%D9%84%D9%8355.gif

[عاصمية]

شكرا لك امييييييييييييينة

[أميرة بأخلاقي]

- تارت جينواز من اروع الكيكات

1-الجينواز تعتبر من الكعكات الاساسية لتحضير معظم الطورطات و هي خفيفة لعدم احتوائها على دهون ( لا زيت ولا ******دة)
2-قبل البدء في تحضيرها يستلزم اخراج البيض من الثلاجة ساعة قبل التحضير أي يكون بدجة حرارة الغرفة
3-يستحسن فصل الصفار عن البياض و هي باردة حتى يسهل عملية الفصل
4-في الاصل جينواز تخبز بدون خميرة كيميائية لكن نضيفها للاحتياط
5-نقوم بنخل ( غربلة) الفرينة مع رشة الملح و خميرة الحلوى مرتين لاعطاء نتيجة افضل
6-عدد ملاعق الماء = ½ كمية البيض
7-خفق الصفاراولا مع كمية السكر ثم خفق البياض مع كمية السكر المتبقية لاننا لو قمنا بخفق البياض في البداية ينكمش مع الوقت و درجة الحرارة المرتفعة في المطبخ
8-كيس فانيلا نضيفه للصفار و للبياض للقضاء على رائحة البيض
9-بعد الانتهاء من خفق الصفار نغسل مضربي الخفاق الكهربائي جيدا و نمسحها قبل خفق البياض
10-يسخن الفرن على 180 درجة قبل البدء في الخفق
11- ندهن الصينية بال******دة و نرشها بالفرينة مع نزع الفرينة الزائدة
12- يجب الا يتجاو خليط الجينواز ½ ارتفاع الصينية ولا يجب الفتح على الكيكة قبل نضجها
13-الحشو يكون حسب اختيارك ممكن تحشى بالكريمة شانتيي او كريم باتيسيار او كريمة ال******دة و من الاحسن سقي الكيكة بالسيرو حتى ماتبقاش ناشفة وكذلك بالنسبة للتزيين لك الاختيار
14-ضروري باش نخليها على الاقل ½ يوم في الثلاجة قبل التقديم حتى تبرد و تشرب كل المكونات فيها و تعطي ذوق رائع


ملاحظة
- نفس الشيء بالنسبة للبيسكوي رولي ( gateaux rouler) نتبع نفس الخطوات الفرق فقط في صينية بحيث يخبز في صواني المستطيلة الشكل او المربعة و هنا خليط جينواز يكون سمكه قليل وليس ½ ارتفاع الصينية
- مدة الطهي في بيسكوي لا تتجاوز من 10 الى 15 د

3/ان شاء الله نكون وفقت في الشرح المفصل و اليكم كيكة من صنعي نبدا على بركة الله
المقادير
-6 بيض
-180g سكر حرش ( هنا سكر يقسم على 2 نصف يخفق مع الصفار و نصف مع البياض)
-180 g فرينة
-رشة ملح
-3م.ك ماء ساخن
-2 سكر فاني او فانيلا
-1 خميرة كيميائية
التحضير
-نفصل الصفار عن البياض نضيف للصفار كيس سكر فاني و نبدا بالخفق تدريجيا بسرعة متوسطة ثم نضيف السكر ملعقة بملعقة و 3 م.ك ماء ساخن مع مواصلة الخفق و زيادة السرعةنكمل كمية السكر و نواصل الخفق الى ان نتحصل على كريمة ثقيلة فاتحة اللون
.
-ثم نخفق بياض البيض + كيس سكر فاني جيدا ثم نواصل الخفق باضافة كمية السكرالمتبقة تدريجيا حتى نتحصل على مورينغ

-نغربل الفرينة + رشة الملح + الخميرة الكيميائية مرتين

-نضيف خليط الفرينة و المورينغ بالتناوب الى خليط الصفار على 3 مرات الى ان نكمل الكمية لنتحصل على خليط متجانس فيه اكبر قدر ممكن من الهواء

-نضع المزيج في مول مدهون و مرشوش بالفرينة و نرفد المول قليلا ونخبطوه شوية على الطاولة باش تستوي العجينة

ثم ندخله الفرن او مانفتحش على الكيكة حتى تنضج و لتاكد من نضجها ندخل طرف السكين فور خروجها من الفرن ننزع الاطراف بسكين حاد من الجوانب المول ثم نقلبها على مشبك حتى لا تؤثر عليها الرطوبة و هذه النتيجة النهائية


معذرة راني خليتها حمارت بزاف لهيت بالهدراههههه نصيحة مني راقبوها مليح ماتغفلوش عليها

دوك نروحو لمرحلة التزيين و لك الاختيار اختي انا زينتها بكريمة الحامض و كريم شانتيي و سقيتها بالسيرو و هو ضروري لهدا النوع من الكيكات لانها في الاصل جي ناشفة بدون دهون ولازم نسقيها باش جي رطبة و انت اختي تتحكمي في نكهات و الاذواق كيما تحبي

لتحضير الكريم شاتيي
نخلط كاس حليب بارد جدا+ 100g كرام شانتيي نخفها جيدا بالخفاق الكهربائي الى ان نتحصل على كريمة
للسيرو
-كاس ماء / ½ كاس سكر عادي + م.ك عصير قارص و لك الاختيار في نكهات في كسرونة ندير الماء مع السكر + عصير القارص و نخليه على نار كي يبدا يغلي نضيف حبات الاجاص بعدما قشرتها و قسمت الحبة على 4 نحسب 5 د و نطفي عليه من بعد ننزع حبا ت الاجاص و مباشرة نغطسها في الماء البارد باش توقف الطهي من بعد ننزعها من الماءو نخليها على الجهة و يبقى السيرو على جهة بنكهة الاجاض نخليه حتى يبرد باش نسقي بيه الكيكة

لكريمة الحامض
-تقريبا كاس سكرنتاع لتاي او كاس صغير
-كاس عصير حبة قارص ( انا درت تقريبا كاس عصير حبة قارص و الباقي كملتو ماء)
-حبة بيض
-مبشور حبة قارص
-ملعقة قهوة نشاء
-ملعقة كبيرة ******دة طرية
-ذرة ملون غذائي لون اصفر

التحضير
-في كسرونة ندير السكر + عصير القارص+ حبة بيض + ال******دة + المبشورو نخلط الكل على نار هادئة جدا و نبقا نخلط و نشوف لان اصل هدي الكريمة مانديرش نشاء+ الملون لكن هذه اضافة من عندي انت تلاحظي اذا ماعقدتش ضيفي النشاء+ ملون من بعد كي تبدا تعقد نحيها من نار و صفيها حتى تتخلصي من المبشور اللي فيها و تتحصلي على كريمة لامعة و رطبة اتريكها تبرد من بعد زيني بيها تارت جي فيها ذوق الليمون ممممممممم

بعدما طابت الكيكةو خليناها بردت مليح و كنا وجدنا الكريمة و سيرو نبدا في تزيين
نقسم الكيكة على نصفين و نسقي كل نصف بالسيرو اللي حضرناه مليح

من بعد نطلي جزء من الكيكة بالكريم شانتيي انا هنا قسمت الكريمة على 2 جزء خليتو للتزيين الخارجي و الجزء اللي حشيت بيه الكيكة خلطتو مع مبشور الليمون مادام انها بنكهة الحامض من بعد درت قطع الاجاص اللي حضرتهم لصقت الجزء 2 من الكيكة و زينتو بالكريم و بالكاوكاو ايفيلي المحمص قليلا مع الجوانب ثم و ضعت كريمة الحامض من الفوق و بواسطة شوكولا مذابة عملت تزيين من الفوق و صور توضح اكثر


و هذا شكلها نهائي من الاحسن بل ضروري خليها تبات في الثلاجة قبل تقديمها باش تتشرب كل مكوناتها و جي منعشة في مذاقها و هكدا تتحصلي على كيكة او تارت مضمونة خير ماتشقاي تشريها من برا و زيد من جهة اخرى تفرحي انك نجحتي فيها ان شاء الله نكون وفقت في الشرح ادعولي باذن الله تتحقق امنيتي تحياتي للجميع و بصحتكم

[ابتسامة الجزائر]

المقادير:

بطاطة مقطعة
http://www.alfrasha.com/up/236343331297023998.jpg


الخضروات(ساق كرفس، جزرة و بصلة).. و تقطع مكعبات صغيرة

http://www.alfrasha.com/up/1532371749965005235.jpg

ملعقة دقيق
3 ملاعق ******ده أو زيت
ملعقة زعتر
كوب صلصة اللحم
لحم مفروم










http://www.alfrasha.com/up/13107327391263273011.jpg


الطريقة:
توضع مكعبات البطاطة فى ماء مع الملح و الكمون أو أى توابل من اختيارك و تغلى حتى التنضج.. و خليها جانبا

http://www.alfrasha.com/up/716820021930981967.jpg


نحط ال******دة على النار










http://www.alfrasha.com/up/5824132141602001484.jpg

ونحط الجزر و البصل و الكرفس و نحمروهم

http://www.alfrasha.com/up/4112778211377612386.jpg

في النار ونخلوهم عليها حتى يحماروا..

ثم

نضيفوا اللحم المفروم









http://www.alfrasha.com/up/788582616147073326.jpg

و نبدو نقلبو فيهم

عندما يأخذ اللحم اللون البنى.. نصفوه من ال******دة الزايدة









http://www.alfrasha.com/up/6154824151771352094.jpg

نضيفوا ملعقة دقيق و نخلطو









http://www.alfrasha.com/up/4742181441001690360.jpg

و من بعد نضيفو صلصة اللحم و الزعتر و ملح و فلفل أسود و و نخلوهم في النار حتى يطيبو تماما

http://www.alfrasha.com/up/12728383341322362325.jpg

مي يطيب اللحم نطحن البطاطة المسلوقة

و نجيبو صينية ونحطوا فيه اللحم و الخضروات فى قاعها









http://www.alfrasha.com/up/582705529204696908.jpg

ثم البطاطة المطحونة

http://www.alfrasha.com/up/20148105591867852270.jpg


و من بعد نقطعو ال******دة قطع صغيييرة و ننتروها فوق البطاطا و يمكن تحطو اشياء اخرى حسب الرغبة

http://www.alfrasha.com/up/188226424252760934.jpg


و كي نكملو ندخلوها في الفرن ومين تحمار من الفوق نقلعوها
هذا هو الشكل النهائي لها

fleur2666وشهية طيبة fleur2666

http://www.alfrasha.com/up/20786832221021056258.jpg

[أميرة الأطلس]

و الله غير بنيينة وانا راني موافقة و انا نحب البيتزا و اخترتها اليوم نتمنى تعجبكم
*المقادير
-حبة بيض
1 ياغورت
-1 فرفارة
-مغرف خميرة فورية
-2مغارف سكر
-ملح
-زيت+دهان
-فرينة حوالي 2كيسان*قد ماتحبي*
*التحضير
نخلطو كامل المقادير لي ذكرناهم و لاكان كانت ناثفة نديرو شوية ماء و نخلوها ترتاح ثم نقطعوها على حساب 4 او 5 حبات تم نرجعو نخلوها ترتاح
-نبردوها مشي رقيقة بزاف و نديرو لاصوص و طبقة مايونيز ثم نديرو طبقة من الكفتة والفرماج مورسو و الزيتون والتون و كاشير مبروش و ذلك حسب الذوق و ندخلوها الفرن و من بعد نطفو الفرن و نديرولها فرماج مبروش و غريار و نعاودو ندخلاها الفرن و هو طافي و نخرجوها
-لاصوص
-2 حبات طماطم
-معجون الطماطم
-ثوم
-ماء
-حرور
-ملح
-زيت
*بالف هنا و شفا